Олон улсын хүүхдийн эрхийг хамгаалах өдрийг угтан Хөгжлийн бэрхшээлтэй хүүхдэд түүх, өвийг хүртээмжтэй хүргэж таниулах эцэг, эх, асран хамгаалагчийн хамтаар спорт, соёл урлагаар хөгжүүлэх арга хэмжээг Choijin Lama Temple Museum/Чойжин Ламын Сүм Музей, Хөгжлийн бэрхшээлтэй хүний хөгжлийн ерөнхий газар хамтран зохион байгууллаа.Тус үйл ажиллагаанд хөгжлийн бэрхшээлтэй хүүхдийн сэргээн засах, хөгжлийн төвд байнгын асаргаа шаардлагатай ч эцэг, эх, асран хамгаалагчгүй Ами Тами тасгийн хүүхдүүд болон хөгжлийн бэрхшээлтэй хүний эрхийн чиглэлээр үйл ажиллагаа эрхэлдэг төрийн бус байгууллагууд, 5-14 насны 150 гаруй хүүхдүүд оролцсон юм.

   Арга хэмжээний үеэр Чойжин ламын сүм музейн захирал Д.Отгонсүрэн, ХБХХЕГ-ын дарга Э.Тамир, нар мэндчилгээ хүргэж, урлагийн хөтөлбөрөөр дамжуулан дуучин Б.Батцэнгэл /Quiza/ дохионы хэлээр “Сайн байна уу” дуугаараа, Дауны холбооны элч “Wasabies” хамтлаг, Монголоороо ТББ-ийг төлөөлөн дуучин Г.Эрдэнэчимэг охин Ж.Өдрийнцолмон нар уран бүтээлээ хүргэж, оролцогч хүүхдүүд маань өөрсдийн мэндчилгээгээ найзууддаа үзүүллээ.

   МузейМөн Монгол циркус энтертайнментийн хамт олон хүүхдүүдэд үлгэрийн баатрууд, циркийн үзүүлбэрээ сонирхуулсан юм. Боловсрол, спортын хөтөлбөрөөр дамжуулан музейн талаарх мэдээлэл болон мандала урлах, талх нарийн боовыг хүүхдүүд өөрсдөө чимэглэх, хонхот хөл бөмбөг, заалны хоккей задгай талбайд тоглох, боче спорт гэх мэт сонирхолтой хөтөлбөрүүдээр дүүрэн өдөр байсан юм.