Нийслэлийн Засаг дарга бөгөөд Улаанбаатар хотын Захирагч Д.Сумъяабазар, Монголын үндэсний олон нийтийн радио, телевиз /МҮОНРТ/-ийн Ерөнхий захирал А.Бүрэнбаатар нар өнөөдөр Хамтын ажиллагааны санамж бичиг байгууллаа.

Уг санамж бичгийг байгуулснаар НЗДТГ болон МҮОНРТ-ийн хамтын ажиллагааны хүрээнд Улаанбаатар хотын иргэд, оршин суугчид, нийслэл хотод үйл ажиллагаа эрхэлж буй аж ахуйн нэгж, байгууллагуудад цаг үеийн мэдээ мэдээллийг шуурхай хүргэх боломж нэмэгдэнэ. Мөн иргэдийн мэдэх эрхийг хангах, ач холбогдол бүхий мэдээ мэдээллээр цаг тухай бүрт хангах, тулгамдсан асуудлыг шийдвэрлэх талаар асуудал хөндсөн, гарц шийдлийг эрэлхийлсэн, хөгжлийн чиг хандлагыг тодорхойлсон, олон нийтэд чиглэсэн мэдээ, мэдээлэл, нэвтрүүлэг, контент зэргийг бэлтгэн хүргэх юм.

Талууд хамтын ажиллагааны хүрээнд мэдээ мэдээллийг түгээхдээ иргэний эрхийг хүндэтгэж, олон ургалч үзэл, ил тод байдлыг эрхэмлэн, үндэсний эрх ашгийг дээдлэн ажиллахаа тус санамж бичигт тусгажээ.