Ардчилсан намаас энэ сарын 11-нд "Монголоо Беларусь болгохгүй" уриатай цуглаан зохион байгуулсан. Энэ үеэр ОХУ-ыг дэмжсэн хүмүүс МУГЖ Д.Сосорбарам руу гурил цацсан хэрэг гарсан билээ.Тэгвэл цахим орчинд дээрх үйл явдлаас болж Д.Сосорбарамын нүд сохрох магадлалтай болсон. Цацсан нунтаг цагаан өнгийн зүйл нь гурил биш байсан гэх мэдээлэл гарсан. Энэ талаар түүнээс тодруулахад тэрбээр “Миний нүдэнд ямар ч өөрчлөлт ороогүй. Намайг "Сохорсон" гэж худал мэдээлэл тараасан байна. Цахим хуудаст гарч буй мэдээлэлд би огт итгэдэггүй. Ер нь итгэх ч арга алга” гэлээ. 

     Түүн рүү гурил цацсан гэх иргэний нэг болох "Дэлхийн Монгол Ногоон Нэгдэл ТББ"-ын тэргүүн Х.Бээжин нь бусдыг заналхийлж 78 сая төгрөг авч, уг хэрэгтээ Эрүүгийн шүүхээс хоёр жилийн хорих ял авсан байж болзошгүй талаар тухайн үед мэдээлж байсан. Тодруулбал, "Дэлхийн Монгол Ногоон Нэгдэл ТББ"-ын тэргүүн Хастөмөрийн Бээжин бусдыг заналхийлж 78 сая төгрөг авсан нь нотлогдсон тул 2021 оны гуравдугаар сарын 24-нд Чингэлтэй дүүргийн Эрүүгийн шүүхээс Заналхийлэх гэмт хэргээр хоёр жилийн хорих ял авсан. Гэтэл одоо энэ хүн сул бусдыг заналхийлээд, бүр болоогүй бусдын биед хууль бусаар халдаад явж байх юм” хэмээн бичсэн аж.