“Эрүүл мэндийн тусламж, үйлчилгээний чанар, аюулгүй байдлыг сайжруулах” жилийн төлөвлөгөөний  хүрээнд “Эрүүл мэндийн тусламж, үйлчилгээний чанар, аюулгүй байдал” сургалтыг Ховд аймагт тавдугаар сарын 25-27-ны өдрүүдэд зохион байгуулж байна.

Сургалтыг ЭМЯ, ЭМХТ, ДЭМБ хамтран зохион байгуулж байгаа юм. Мөн эрүүл мэндийн тусламж, үйлчилгээ үзүүлдэг төр болон хувийн хэвшлийн эрүүл мэндийн байгууллагуудын  чанарын удирдлагын багийг чадвахжуулах зорилготой байна. Чанарын удирдлагын бодлого, тогтолцоо, тусламж, үйлчилгээний болон үйлчлүүлэгчийн аюулгүй байдал, эрсдэл, тохиолдлын бүртгэл, хариу арга хэмжээ, халдварын сэргийлэлтийн талаар хичээлүүд заах юм.

Тус сургалтад Бүсийн Оношилгоо Эмчилгээний төв , сумын эрүүл мэндийн төв, өрхийн эрүүл мэндийн төв, хувийн хэвшлийн эрүүл мэндийн байгууллагын 70 гаруй эмнэлгийн удирдлага, чанарын албаны мэргэжилтнүүд оролцож байна.