Монгол Улсын хилээр нэвтэрч буй импортын гол нэрийн хүнсний бүтээгдэхүүний ггаалийн албан татварыг чөлөөлснөөр импортлогчоос жижиглэн худалдаанд нийлүүлэх цагаан будаа, ургамлын тос, элсэн чихрийн килограмм болон литр тутмын үнэ 4-7 хувиар буурах урьдчилсан тооцоо гарчээ. Мөн хуулийн үйлчлэлийн хугацаанд дээрх бүтээгдэхүүний нийлүүлэлт, нөөц тогтвортой байх боломжтой аж. Түүнчлэн Монгол Улсын Засгийн газраас хүнсний гол нэрийн бүтээгдэхүүний үнийн өсөлт, хомстлоос сэргийлэх чиглэлээр тодорхой арга хэмжээ авч буй. Энэ хүрээнд цагаан будаа, элсэн чихэр, ёотон, хүнсний ургамлын тосыг 2022 оны 12  дугаар сарын 31-ийг дуустал хугацаанд гаалийн албан татвараас чөлөөллөө.