• Өнөөдөр 2025-05-18

СЕХ-оос ИТХ-ын нөхөн сонгуульд оролцох хороодод сургалт зохион байгуулжээ

2022-05-24,   349

    Аймаг, нийслэл, сум, дүүргийн иргэдийн Төлөөлөгчдийн Хурлын нөхөн болон дахин сонгуулийг 2022 оны 6 дугаар сарын 19-ний өдөр 15 аймаг, 43 сум, нийслэлийн 2 дүүрэг, нийт 67 сонгуулийн хэсэгт явуулах аж.

Орон нутгийн Хурлын Төлөөлөгчийн нөхөн, дахин сонгуулийг анх удаа улс даяар нэгэн зэрэг зохион байгуулах болсонтой холбогдуулан Сонгуулийн ерөнхий хорооноос баталсан удирдамжийн дагуу найман Ажлын хэсэг 2022 оны тавдугаар сарын 11-23-ны өдрүүдэд Булган, Дорноговь, Сэлэнгэ, Хэнтий, Архангай, Увс, Завхан, Баянхонгор, Дорнод, Дундговь, Өвөрхангай, Өмнөговь, Сүхбаатар, Төв, Хөвсгөл аймаг, нийслэлийн Багахангай, Сонгинохайрхан дүүрэгт сургалт явуулжээ.

      Сургалтад аймаг, сум, дүүргийн сонгуулийн хороод, хэсгийн хороодын нийт 732 ажилтан, мэдээллийн технологийн даамлууд хамрагдаж, сонгуулийн үйл ажиллагаанд дагаж мөрдөх хууль тогтоомж, дүрэм, журам, зааварчилгааг авч, төхөөрөмжтэй ажиллах дадлага ажлыг гүйцэтгэсэн байна. Сонгуулийн автоматжуулсан системийг хариуцан ажиллах Мэдээллийн технологийн багийн гишүүд, даамлуудад гэрчилгээ, үнэмлэхийг гардуулан өгсөн гэж Сонгуулийн Ерөнхий хорооноос мэдээллээ.
 

СЕХ-оос ИТХ-ын нөхөн сонгуульд оролцох хороодод сургалт зохион байгуулжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.