Боловсрол, шинжлэх ухааны яам болон харьяа байгууллагуудын удирдлагууд МУБИС-д ажиллалаа. Энэ үеэр МУБИС-ийн багш, оюутны сургалт-лаборатори, хичээлийн хэрэглэгдэхүүн, аргазүйн инновацуудтай танилцсан.

    Байгалийн ухааны хичээлийг сонирхолтой өрнүүлэхийн тулд ЕБС-д хэрэглэх боломжтой сургалтын хэрэглэгдэхүүнээс эхлээд цэцэрлэгийн багшийн гарын авлага, хэрэглэгдэхүүн, цахим, зайн сургалтын модуль гээд олон бүтээлийг багш нар дэлгэж тавьсан байлаа. Цаашид сайн санаачилга, ашигтай сургалтын хэрэглэгдэхүүн бүрийг ерөнхий боловсролын сургуульд нийлүүлэх, олноор үйлдвэрлэхэд дэмжлэг үзүүлэх зэргээр хамтран ажиллахаар болоо.