Ардчилсан намын 21 аймаг, есөн дүүргийн Намын хорооны тэргүүлэгчдийн хурал энэ сарын 12-14-ний өдөр улс орон даяар болж өнгөрлөө. Нийслэлийн Баянзүрх дүүргийн намын хорооны тэргүүлэгчид энэ сарын 12-нд хуралдаж дүүргийн Намын хорооны цаашдын бодлого, төлөвлөлт болоод тулгамдаж буй асуудал түүнийг шийдвэрлэх санал санаачилгуудыг дэвшүүлэн Төв намын аппарат, удирдлагуудад бодлогын санал, зөвлөмжүүдийг хүргүүлж байна. 

     Дашрамд дурдахад, Ардчилсан намын бүх шатны гишүүд шат дараатайгаар улс орон даяар хуралдаж байгаа. Дөрөвдүгээр сарын 30-нд 21 аймгийн 330 сумын намын дарга нар Улаанбаатар хотноо цуглан чуулсан бол энэ сарын 8-нд 21 аймаг, 330 сум, Нийслэлийн есөн дүүргийн хэмжээнд улс орон даяар АН-ын бүх гишүүдийн “ОНЦ ХУРАЛ” амжилттай зохион байгуулагдсан. Үүний дараагаар 21 аймаг, есөн дүүргийн Намын хорооны тэргүүлэгчид нэгэн зэрэг хуралдаж асуудлаа хэлэлцсэн өдрүүдээр АН-ын ажил хэргүүд улс орон даяар үргэлжилж байна.