Австралийн цагдаагийн газраас “Монгол Улсын иргэн байж болзошгүй гурван хүнийг эрэн сурвалжилж байна” гэх мэдээл олон нийтийн сүлжээгээр цацагдсан. Тодруулбал, энэ сарын 15-нд Австралийн “Strathfield” галт тэрэгний буудалд 31 настай эрэгтэйг зодож, гэмтээгээд зугтсан хэрэгт Монголын гурван иргэнийг хайж байна гэх мэдээлэл гарчээ. Дуудлагын дагуу гэмтсэн эмэгтэйг "Royal Prince Alfred" эмнэлэгт хүргэсэн бөгөөд түүний биеийн байдал нь хүнд байгаа гэх мэдээлэл гарсан.  Энэ талаар ЦЕГ-ын Хэвлэл мэдээлийн төвийн ахлах мэргэжилтэн, хурандаа Д.Оюунаас тодрууллаа.

Тэрбээр “Олон улсын интерполоор “Танай улсын гурван иргэнийг эрэн хайж байна. Олж өгөхөд туслаач” гэх албан ёсны мэдээлэл ирээгүй. Дээрх хэрэгт холбогдсон байж болзошгүй гурван иргэнийг аль улсынх болохыг нь тогтоогоогүй байгаа юм билээ. Магадгүй манай улсын иргэд байж болзошгүй хэмээн сэжиглэж байсан бол интерполоор албан ёсны мэдээлэл ирнэ. Цахим орчинд худал мэдээлэл түгсэн байна лээ” гэв.