Улсын арслан Э.Оюунболдын барилдах эрхийг сэргээсэн талаар Монголын Олон Улсын Арбитрийн холбооноос мэдээллээ.

     Тус холбооноос “2021 оны арванхоёрдугаар сарын 30-ны өдөр Монгол Улсын иргэн, улсын арслан Э.Оюунболдтой  спортын Арбитийн шүүхүүд Монголын Үндэсний Бөхийн холбоонд холбогдох маргаан үүсгэхээр нэхэмжлэл гаргасан. Гол агуулга нь  улсын арслан Э.Оюунболдын хувьд Монголын үндэсний бөхийн барилдааны дүрэмд тусгагдсан допингийн эсрэг заалтад ,дэлхийн допингийн эсрэг олон улсын стандартад нийцээгүй байна. Үүнийг тогтоож өгөх шаардлага гаргасан. Ингэхдээ нэгдүгээрт, дэлхийн допингийн эсрэг дүрэмд үл нийцсэн заалтыг буюу Монголын Үндэсний Бөхийн холбооны тэргүүлэгчийн хурлаас гаргасан зөрчилдөөнт шийдвэрийг Э.Оюунболдод холбогдуулж гаргасан учраас, хоёрдугаарт Э.Оюунболдтой холбоотой хэсгийг хүчингүй болгоод, барилдах эрхийг сэргээж өгөх, гуравт, эхний хоёр шаардлагатай холбоотой Монголын үндэсний бөхийн холбоог албан ёсоор уучлалт гуйж, олон нийтэд  үнэн зөв мэдээлэл өгөх шаардлага тавьсан. Харин дөрөвдүгээрт, 2021 онд зохион байгуулсан Монголын залуучуудын холбооны 100 жилийн ойд зориулсан наадмын өмнө Үндэсний бөхийн холбоог төлөөлөл улсын арслан Э.Оюунболдтой холбоотой хариуцлагын гэрээг хүчингүйд тооцож өгөх зэрэг шаардлдагуудыг гаргасан байна.

     Арбитрийн ажиллагаа он дамжиж явагдсан. Арбитрийн шийдвэрийн агуулга бол нэгдүгээрт, Дэлхийн допингийн эсрэг дүрэм, олон улсын байгууллагаад 2017 онд нэгдсэн. Арбитрын зүгээс Монголын үндэсний бөхийн холбооны 4.7-д заасан заалт нь олон улсын гэрээ, дэлхийн допингийн дүрмийн холбогдох заалттай нийцээгүйг тогтоосон. Хоёрдугаарт Э.Оюунболдын барилдах эрхийг найман жилээр хассан гэсэн тогтоолын холбогдох хэсгийг хүчингүй болгоод, барилдах эрхийг сэргээх шийдвэрийг гаргасан.  Харин үлдсэн хоёр шаардлагыг манайх хангаагүй. Өөрөөр хэлбэл, дөрвөн шаардлага гаргаснаас хоёрыг нь ханган шийднэ гэсэн үг. Тус шийдвэр энэ сарын 28-нд хурал болно. Энэ хурлаас гарахдаа тодорхой хугацаа шаарддаг. Өнөөдрийн байдлаар эрхийг нь сэргээсэн гэсэн бичгээ аль нэг тал нь гардаж аваагүй.Арбитраас албан ёсны шийдвэр гарахаар нь бичгийг нь явуулна” гэж мэдээлэв.