Авлигатай тэмцэх газрын Мөрдөн шалгах хэлтсээс гэмт хэргийг шинжтэй 41 гомдол, мэдээлэл шинээр хүлээн авч, нийт 122 гомдол, мэдээллийг шалгасан байна. Үүнээс 20 гомдол, мэдээлэлд хэрэг бүртгэлтийн хэрэг нээж, мөн 20 гомдол, мэдээлэлд хэрэг бүртгэлтийн хэрэг нээхээс татгалзах саналтайгаар прокурорт шилжүүлсэн байна.

     Түүнчлэн нийт 604 хэрэгт хэрэг бүртгэлт, мөрдөн байцаалтын ажиллагаа явуулснаас долоон хэргийг шүүхэд шилжүүлэх, есөн хэргийг хаах саналтай прокурорт хүргүүлж, нэг хэргийг харьяаллын дагуу шилжүүлэх саналтайгаар прокурорын байгууллагад шилжүүлж, нэг хэргийг нэгтгэн шалгаж байна. Мөрдөн шалгах ажиллагаанд одоогоор 586 хэрэг шалгагдаж байна. Үүнд нэр бүхий сайдын үүрэг гүйцэтгэж байсан албан тушаалтан О өөрийн хамаарал бүхий этгээдийн үүсгэн байгуулсан компани руу тэмцээн зохион байгуулах нэрээр 150 сая төгрөгийг шилжүүлж,  улсад их хэмжээний хохирол учруулсан байна. Тус хэргийг АТГ шалган прокурорт шилжүүлжээ.