Н.Түвшинбаярт холбогдох эрүүгийн хэргийн шүүх хуралдааныг тодорхойгүй хугацаагаар хойшлууллаа. Хан-Уул дүүргийн эрүүгийн хэргийн анхан шатны шүүхээс шүүх хуралдааныг дахин товлох юм. Н.Түвшинбаярыг шүүхэд нөлөөлөх гэж оролдсон хэмээн олон нийтийн сүлжээгээр цацагдаад буй билээ. Тиймээс энэ талаар өмгөөлөгч Л.Данзанноров дараах мэдээллийг хийлээ. Тэрбээр “"Өчигдөр гарсан Н.Түвшинбаяр шүүгчдэд нөлөөлөхийг оролдсон гэдэг мэдээлэл ор үндэсгүй худлаа. Бидний зүгээс шүүгчид нөлөөлөх ямар ч оролдлого хийгээгүй. Хийх ч үгүй. Огтоос худал мэдээлэл гэдгийг дахин хэлье.  Шүүх хурал тодорхойгүй хугацаагаар хойшлогдлоо. Одоогоор шүүх хурлын тов гараагүй байна. Яагаад хойшлогдсон гэхээр илтгэгч шүүгч Д.Доржсүрэн татгалзсанаар шүүх хурал хойшлогдоод байгаа юм” гэлээ.