Төр, нийгмийн зүтгэлтэн С.Зориг агсныг  хөнөөсөн хэргээр гурван шатны шүүхээс 20 жилийн ял сонсож, зургаан жил хоригдсон Б.Содномдаржаа, Т.Чимгээ нарыг эрүүдэн шүүсэн гэгдэг О.Бархасбадийн шүүх хурал өнөөдөр болохоор зарласан. Гэвч түүний шүүх хурал ямар шалтгааны улмаас хойшилсон нь тодорхойгүй байна. Тус шүүх хуралд С.Зориг агсныг хөнөөсөн гэгдэх Б.Содномдаржаа, Т.Чимгээ, С.Зориг агсны гэргий Б.Булган нар оролцохоор ирсэн юм. 

     Дашрамд дурдахад, Б.Соднодаржаа, Т.Чимгээ нарыг эрүүдэн шүүсэн хэрэгт ТЕГ-ын дарга асан Б.Хурц, Улсын Ерөнхий прокурорын орлогч асан Г.Эрдэнэбат нарыг гэм буруутайд тооцож, шүүхээс ял оноосон байдаг. Гэвч тэд жил хүрэхгүй хугацаанд хоригдож, Өршөөлийн хуулиар суллагдсан юм. Харин ТЕГ-ын Мөрдөн байцаах албаны дарга О.Бархасбадийн шүүх хурал удаа дараа хойшилж байна.