УИХ-ЫН ГИШҮҮН Ц.СЭРГЭЛЭН: Намайг Ерөнхийлөгч асан Ц.Элбэгдоржид “Минжийн хангайгаар аялж, амьтан хядах зөвшөөрөл олгосон” гэж яриад байгаа хүмүүс нотлох баримтаа ил болгоорой

2022-05-11, 1807

Хууль зүй, дотоод хэргийн сайд Х.Нямбаатар Ерөнхийлөгч асан Ц.Элбэгдоржийг “Азаргын голоор хүүхнүүдтэй зугаалдаг, Нөмрөг, Минжийн хангайд онгоцоор нисэж автомат буугаар амьтан хяддаг байсан” хэмээн цахим хуудастаа бичиж, түүний зарим булхайг илчилсэн. Тухайн үед ХХЕГ-ын даргаар одоогийн УИХ-ын гишүүн Ц.Сэргэлэн ажиллаж байжээ. Тиймээс УИХ-ын гишүүн Ц.Сэргэлэнг тухайн үед Ерөнхийлөгч асан Ц.Элбэгдоржид Минжийн хангайгаар аялж, амьтан хөнөөх зөвшөөрөл олгож байсан гэх мэдээлэл гарсан. Энэ талаар УИХ-ын гишүүн Ц.Сэргэлэнгээс тодрууллаа.

Тэрбээр “Намайг Ерөнхийлөгч асан Ц.Элбэгдоржийг Минжийн хангайгаар зугаалуулсан, амьтан хядуулах зөвшөөрөл олгосон гэж яриад байгаа хүмүүс нотлох баримтаа ил болгох байх. Ямартай ч би Ерөнхийлөгч асан Ц.Элбэгдоржийг Минжийн хангайгаар зугаалуулж, амьтан хядуулах зөвшөөрөл олгож байгаагүй. Яаж ч бодсон пулемётоор амьтан шүршинэ гэж юу байх вэ дээ. Тийм боломж байхгүй. Энэ мэдээллийг цацсан Х.Нямбаатар сайд өөрөө үнэн зөвийг нь нотлох байх. Ерөнхийлөгч асан Ц.Элбэгдорж ч тайлбар өгөх байлгүй” гэв.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3

Сэтгэгдэл үлдээсэн: 2022-05-14 05:36:10

Зочин: гэрч бна өөжгий онгоцны жолооч элбэгдорж хэрэгээ хүлээж уучилалт гуйсан одоо чи огцор
Сэтгэгдэл үлдээсэн: 2022-05-11 19:53:35

Зочин : Минжийн хангайд саун,байшин энтрийг цэргүүдээр бариулсан яриа сонсож л бсан элбэгдорж гэдэг хүнийх гэж.Азаргийн голийн хажууд 3,4 дүнзэн жижгэвтэр байшин бдаг үзсэн хэнийх гэдгийн мэдэхгүй.
Сэтгэгдэл үлдээсэн: 2022-05-11 17:15:51

Зочин: Ингэж л хүнийг гүтгэж байгаа юм даа.Өмнө нь сайд шуу юм байсан Нямдорж яг ийм байдлаар Элбэгдоржийг унагаж чадсан.Одоо энэ жижигхэн сайд тэгж болдог гээд ойлгочихжээ.Минжийн Хангайн асуудлаа нотолж чадахгүй бол огцорч таарахнээ.Том мэдлийн сайд байж чавганц нарын царай гаргаж худал үглэдэг сайдыг яахыг харъяа.Оюун эрдэнэ ах дүү гээд толгойг нь илэх байхдаа.