Баянгол дүүргийн Нийгмийн даатгалын хэлтсийн дарга Б.Алтангэрэл, тус дүүргийн Худалдан авах ажиллагааны газрын дарга С.Цээсүрэн нарын дөрвөн хүнийг АТГ-аас саатуулжээ. Тодруулбал, Тэднийг Баянгол дүүргийн Нийгмийн даатгалын хэлтсийн өөр банканд байршиж байсан их хэмжээний мөнгийг татан авч, “Капитрон” банканд байршуулсан хэргээр эрүү үүсгэн шалгаж байгаа юм байна. 

         Б.Алтангэрэл, С.Цээсүрэн нар эрх мэдэл, албан тушаалаа урвуулан ашиглаж, улсын мөнгөөр албан өрөөндөө засвар хийж, бусдаас их хэмжээний шан харамж авсан байж болзошгүй байгаа аж. Мөн Б.Алтангэрэл, С.Цээсүрэн нар нь үгсэн хуйвалдаж, танил компаниудаа тендерт шалгаруулдаг гэх үндэслэлээр АТГ-т шалгуулж байна.