Боксын насанд хүрэгчдийн эмэгтэйчүүдийн ДАШТ энэ сарын 6-нд Туркийн Истанбул хотод эхлэн, үргэлжилж байна. Тэмцээнд манай улсаас дасгалжуулагч Б.Пүрэв-Очир, Т.Чулуунтөмөр, С.Баттулга нарын удирдлагад есөн тамирчин өрсөлдөж буй. Тодруулбал, 48 кг-ын жинд Ж.Нямсүрэн, 50 кг-д Б.Мөнгөнсаран, 52 кг-д Л.Алтанцэцэг, 54 кг-д О.Есүгэн, Э.Мичидмаа, 57 кг-д М.Намуун, 60 кг-д Г.Бадмаараг, 63 кг-д У.Шинэцэцэг, 70 кг-д Э.Эрдэнэтуяа, 75 кг-д Н.Ану нар оролцож байгаа юм. Өнөөдөр эмэгтэйчүүдийн 48 кг-д Ж.Нямсүрэн баг тамирчдын анхны тулааныг хийх аж. Тэрбээр энэ жил УАШТ-д түрүүлсэн  бөгөөд ДАШТ-ний эхний тулаандаа Непалын тамирчинтай учраа таарчээ.