Зуны тэргүүн сарын шинийн 15 буюу Бурхан багшийн дүйчин өдөр нь энэ жилийн хувьд тав болон зургадугаар сард хоёуланд нь тохиож буй юм. Гандантэгчинлэн хийдийн зурхайн ухаанаар зургадугаар сарын 14-нийг Бурхан багшийн их дүйчин өдөр хэмээн цохон тэмдэглэнэ хэмээжээ.

Нийтээр тэмдэглэх баярын болон тэмдэглэлт өдрүүдийн тухай хуульд зааснаар Бурхан багшийн их дүйчин өдөр бүх нийтээр амардаг билээ. Тиймээс энэ хүрээнд ирэх зургадугаар сарын 14-ний мягмар гарагт бүх нийтээр амрахаар болжээ.