ОХУ-ын Зэвсэгт хүчний Жанжин штабын дарга, Батлан хамгаалахын нэгдүгээр орлогч сайд, армийн генерал В.В.Герасимов арваннэгдүгээр сарын 30-ны өдөр  Монгол Улсад ажлын айлчлал хийж байна.

Армийн генерал В.В.Герасимов айлчлалын эхэнд Монгол Улсын Зэвсэгт хүчний Жанжин штабт зочилсон бөгөөд түүнийг төрийн хүндэт харуул ёслол хүндэтгэн угтжээ. Энэ үеэр армийн генерал В.В.Герасимов Монгол Улсын Зэвсэгт хүчний Жанжин штабын дарга, дэслэгч генерал Д.Ганзоригтай хоёр талын уулзалт хийсэн юм.

Энэхүү уулзалтын дараа ОХУ-ын ЗХЖШ-ын дарга, Батлан хамгаалахын нэгдүгээр орлогч сайд, армийн генерал В.В.Герасимов, Монгол Улсын Засгийн газрын гишүүн, Батлан хамгаалахын сайд Г.Сайханбаяр нар хоёр талын уулзалт хийнэ.