Авлигатай тэмцэх газар 2021 оны арваннэгдүгээр сарын 1-4-ний өдрүүдэд төлөвлөгөөт хяналт шалгалтын дагуу 12 албан тушаалтны хувийн ашиг сонирхлын болон хөрөнгө, орлогын мэдүүлгийг хянан шалгаж шийдвэрлэжээ.

Шалгалтаар таван зөрчилтэй, тав нь зөрчилгүй байсан бол хоёр зөрчилд тооцохгүй, анхааруулах арга хэмжээ авчээ.

Харин зөрчилтэй албан тушаалтнуудад Авлигын эсрэг хуулийн 13.8.2, 13.8.3-т заасныг үндэслэн хариуцлага тооцуулахаар “Монголын цахилгаан холбоо” ХК, “Миат” ХК-д албан бичиг хүргүүлсэн байна.