Олон улсын боксын холбоо /AIBA/-ны ерөнхийлөгч Умар Кремлёв өчигдөр орой Улаанбаатар хотноо Монголын боксын холбооны ерөнхийлөгч Х.Нямбаатарын урилгаар айлчилж иржээ. Тэрбээр өнөөдөр боксын үндэсний шигшээ багийн тамирчдын бэлтгэл сургуулилттай танилцаж, Шинэ яармаг дахь Мөсөн өргөө буюу “Степпе арена” болон  “Буянт Ухаа” спортын ордны үйл ажиллагааг сонирхох юм байна. Түүнчлэн үдээс хойш Монгол Улсын Ерөнхийлөгч У.Хүрэлсүхэд бараалхан, Биеийн тамир спорт хорооны удирдлагуудтай уулзах аж.

    МБХ-ны дэд ерөнхийлөгч Ц.Бат-Энх, М.Баянмөнх тэргүүтэй төлөөлөгчид Серби улсын нийслэлд болсон боксын насанд хүрэгчдийн ДАШТ-ий үеэр холбооныхоо гадаад харилцаа, хамтын ажиллагааг өргөжүүлэх олон уулзалт хийсэн бөгөөд энэ хүрээд уг айлчлал болж байгаа аж.