Улсын драмын эрдмийн театрын түүхт 90 жилийн ой энэ жил тохиолдуулан Монголын орчин үеийн утга зохиолыг үндэслэгч, соён гэгээрүүлэгч, нийгэм, улс төрийн нэрт зүтгэлтэн, их зохиолч Д.Нацагдоржийн хөшөөнд өнөөдөр театрын уран бүтээлчид цэцэг өргөлөө.

 Улсын драмын эрдмийн театр 2016 онд театрын 85 жилийн ойгоор их зохиолч Д.Нацагдоржийн амьдралаас сэдэвлэсэн Ш.Гүрбазарын зохиол болох "Жаргаагүй нар" жүжгийг найруулж тавьсан байдаг. Түүнчлэн "Учиртай гурван толгой" жүжиг анх тавигдсан түүхэн үйл явдлаас сэдэвлэсэн жүжгийн зохиол бэлэн болжээ.  Одоо харин уг жүжгийг Монгол туургатан театр тавихаар бэлтгэл ажилдаа орсон аж.