Эргэлт.мн мэдээллийн сайт “Дотуур байранд амьдардаг хүүхдүүдийн эрх зөрчигддөг үү” сэдэвт хэлэлцүүлэг зохион байгуулж байна. Уг хэлэлцүүлэгт Боловсрол, шинжлэх ухааны яам, Хөдөлмөр, нийгмийн хамгааллын яам, Хүний эрхийн Үндэсний Комисс, ЦЕГ болон төрийн бус байгууллагуудын төлөөлөл оролцож байна.

         Энэ үеэр сэтгэлзүйч М.Далайцэрэн "Сэтгэлзүйн гэмтлийг үнэлж, мэдэх нь хамгийн чухал. Хоёрдугаарт, арван жилийн хүүхдүүдтэй ажиллаж байгаа сэтгэлзүйч нэмэгдүүлэх тал дээр хэрхэн бэлдэх вэ гэдгийг анхаарах хэрэгтэй. Мөн сэтгэлзүйн байдалд боловсролын асуудал хамгийн чухал. Ерөнхий боловсролын сургуулийн хичээлийн хөтөлбөрт сэтгэлзүйн хичээлийг оруулах ёстой. Тэгэхгүй бол ихэнх сэтгэцийн эмгэг бага насанд үүсдэг. Иймээс эцэг эхчүүд хүүхдүүдтэйгээ ярилцаж, сэтгэлзүйн түвшнийг нь тогтоож, хянаж байх хэрэгтэй" гэв.