Эргэлт.мн мэдээллийн сайт “Дотуур байранд амьдардаг хүүхдүүдийн эрх зөрчигддөг үү” сэдэвт хэлэлцүүлэг зохион байгуулж байна. Уг хэлэлцүүлэгт Боловсрол шинжлэх ухааны яам, Хөдөлмөр, нийгмийн хамгааллын яам, Хүний эрхийн Үндэсний Комисс болон төрийн бус байгууллагуудын төлөөлөл оролцож байна.

Энэ үеэр Гэр бүл, хүүхэд, залуучуудын хөгжлийн газрын ахлах мэргэжилтэн Ж.Азжаргал "Өсвөр үеийн хүүхдүүдтэйгээ эцэг, эхчүүд ярилцдаггүй. Гэтэл эцэг, эхчүүд хүүхдээ дуулгавартай байлгах гэдэг. Үүнээс үүдэн аав, ээждээ хэлэхгүйгээр найз, нөхдийнхөө хүрээнд асуудлаа шийдэх гээд байна. Хүүхэд өөрөө мэдээллийг цензургүйгээр авч байна. Энэ үед эцэг, эхчүүд илүү сэрэмжтэй байж, хүүхдүүдтэйгээ ярилцах хэрэгтэй. Хүүхдийн хүмүүжилд эцэг, эхийн үүрэг оролцоо хамгийн чухал. Төр өмнөөс нь бодлого явуулах биш эцэг, эх өөрсдөө анхаарал тавих нь чухал. Харин сургуулийн багш нар хувийн хандлагаараа ажилдаа хандах гээд байдаг асуудал их байдаг. Хэрэв хувийн ажилдаа хувийн асуудлаар хандаж байгаа бол хуулийн дагуу хариуцлага тооцох журам бий" гэв.