Эргэлт.мн мэдээллийн сайт “Дотуур байранд амьдардаг хүүхдүүдийн эрх зөрчигддөг үү” сэдэвт хэлэлцүүлэг зохион байгуулж байна. Уг хэлэлцүүлэгт Боловсрол шинжлэх ухааны яам, Хөдөлмөр, нийгмийн хамгааллын яам, Хүний эрхийн Үндэсний Комисс болон төрийн бус байгууллагуудын төлөөлөл оролцож байна.

   Энэ үеэр сэтгэл зүйч М.Далайцэрэн хүүхдүүдийн сэтгэл зүйн асуудлаар ярилаа. Тэрбээр “Нэгдүгээрт, сэтгэл гэдэг эрхтэн. Сэтгэл зүйн гэмтлийн зэргийг хүнд, дунд, маш хүнд хэлбэрээр тогтоодог. Хэн нэгэн “Амийг чинь хөнөөнө” гэж дарамталбал сэтгэл зүйн гэмтлийн зэргийг хэрхэн тогтоох вэ гэдгийг хуульчлаагүй. Энэ нь манай улсын маш том асуудал болж байна. Сүүлийн үед сэтгэцийн эмгэг ихсэж байгаа. Удахгүй сургуулиуд сэтгэл зүйчтэй болно. Энэ хүрээнд нэг сэтгэл зүйчид хэчнээн хүүхэд ногдож байгаа судалж гаргах ёстой. Тэгэхгүй бол хүүхэд бүрд хүрч ажиллаж чадахгүй дараагийн асуудал гарна” гэлээ.