Эргэлт.мн мэдээллийн сайт “Дотуур байранд амьдардаг хүүхдүүдийн эрх зөрчигддөг үү” сэдэвт хэлэлцүүлэг зохион байгуулж байна. Уг хэлэлцүүлэгт Боловсрол, шинжлэх ухааны яам, Хөдөлмөр, нийгмийн хамгааллын яам, Хүний эрхийн Үндэсний Комисс болон төрийн бус байгууллагуудын төлөөлөл оролцож байна.

     Энэ үеэр Хүний эрхийн үндэсний комиссын Гомдол, хяналт шалгалтын хэлтсийн дарга Т.Ихтамир “Хүний эрхийн зөрчилтэй холбоотой асуудлууд албан ёсоор шалгаж байгаа. Төр хүний эрхийг хамгаалах хүүхдийн эрхийн чиглэлээр ажиллахад төрийн байгууллагын ажилчид яаж ажиллахыг хангасан. 2018 онд сургуулийн дотуур байранд судалгаа хийсэн. Хүүхдийн эрхийн асуудал бодит байдал дээр хүүхдийн эрх зөрчигдөж байна. Дотуур байрны хүүхдүүдийн дунд нэгнээсээ мөнгө нэхэх, биед нь халдах, архидан согтуурах асуудал байдаг. Мөн багш, ажилчид хүүхэдтэй зүй бусаар ажиллах, гэрийн ажлаа хийлгэх асуудал бий. Сургуулийн орчноос гадна хүүхдийн эрх маш их зөрчигддөг. Багш, эцэг эх бүгд хуулиар хүлээсэн үүрэгтэй. Зүүнбаян-Улаан суманд гарсан хэрэгт холбогдох газрууд хяналтгүй ажилласан байна. Хүүхдийн албадан хөдөлмөртэй холбоотой асуудлаар холбогдох яамны сайдад албан бичиг хүргүүлсэн” гэлээ.