Эргэлт.мн мэдээллийн сайт “Дотуур байранд амьдардаг хүүхдүүдийн эрх зөрчигддөг үү” сэдэвт хэлэлцүүлэг зохион байгуулж байна. Уг хэлэлцүүлэгт Боловсрол. шинжлэх ухааны яам, Хөдөлмөр, нийгмийн хамгааллын яам, Хүний эрхийн Үндэсний Комисс болон төрийн бус байгууллагуудын төлөөлөл оролцож байна.

Энэ үеэр ХНХЯ-ны Гэр бүл хүүхэд залуучуудын хөгжлийн газрын мэргэжилтэн Ж.Азжаргал "2019 онд хүүхдийн 108 утсанд дотуур байрны орчинд хүүхдийн эрх зөрчигдсөн тухай 142 дуудлага ирсэн байна 2020 онд ерөнхий боловсролын сургуулийн орчинд эрх нь зөрчигдсөн талаар 190 дуудлага ирснээс 16 нь дотуур байранд гарсан байна. Бид дуудлагын дагуу ажиллаад түр хамгаалах байранд авдаг. Улмаар орон нутагт манай орон нутаг дахь салбарын төлөөлөл ажилладаг. Бид хүүхдийн эрх хамгааллын чиглэлээр хууль эрх зүйн орчныг нь сайжруулах шаардлагатай байгаа. Тиймээс ХНХЯ, БШУЯ-наас Хүүхдийн эрхийн тухай хуулийн шинэчилсэн найруулгын төслийг өргөн мэдүүлэхээр хэлэлцүүлэг зохион байгуулах гэж байна" гэлээ.