Эргэлт.мн мэдээллийн сайт “Дотуур байранд амьдардаг хүүхдүүдийн эрх зөрчигддөг үү” сэдэвт хэлэлцүүлэг зохион байгуулж байна.

       Уг хэлэлцүүлэгт Боловсрол, шинжлэх ухааны яам, Хөдөлмөр, нийгмийн хамгааллын яам, Хүний эрхийн Үндэсний Комисс болон төрийн бус байгууллагуудын төлөөлөл оролцож байна. Энэ БШУЯ-ны Бага дунд боловсролын газрын мэргэжилтэн Б.Дуламсүрэн байр сууриа илэрхийллээ. Тэрбээр “Хүүхэд хамгааллын бодлого хэрэгжүүлэх үүднээс сургуулийн болон дотуур байрны багш нарыг чадавхжуулах ажил хийж байгаа. Сургуулийн орчны аюулгүй байдлыг хангах зорилгоор хоёр журам гарсан. Хамгийн гол нь хэрэгжүүлэхэд анхаарах хэрэгтэй байна. Боловсролын яамнаас холбогдох дүрэм журам гарч байгаа. Багш нар руу чиглэсэн үйл ажиллагаа ХНХЯ-тай хамтарч хийнэ. БШУЯ-ныхан боловсролын хэлтсийн дарга нартай өнөөдөр сургалт зохион байгуулж байгаа” гэв.