• Өнөөдөр 2026-10-25

Төрийн архивын улсын үзлэг өнөөдөр эхэллээ

2021-11-09,   884

Хууль зүй, дотоод хэргийн сайдын 2021 оны А/173 дугаар тушаалаар баталсан “Төрийн архивын үйл ажиллагаанд улсын үзлэг зохион байгуулах тухай” хуваарийн дагуу Архивын ерөнхий газрын дэд дарга бөгөөд Архив, албан хэрэг хөтлөлтийн хяналтын улсын ахлах байцаагч Ч.Оюунчимэгээр ахлуулсан Ажлын хэсэг гарсан. Тус Ажлын хэсэг өнөөдөр буюу арваннэгдүгээр сарын 9-ний өдөр НЗДТГ-ын дарга Т.Оюунчимэгт удирдамж, чиглэлээ танилцуулж Төрийн архивын улсын үзлэгийг эхлүүллээ.

Төрийн архивын улсын үзлэгийг дөрвөн жил тутамд улсын хэмжээнд зохион байгуулдаг бөгөөд энэ удаагийн үзлэг нь нийслэл, дүүргийн архивын үйл ажиллагааны удирдлага, зохион байгуулалт, архивын баримтын хадгалалт, хамгаалалт болон төрийн архивын цахим сан бүрдүүлэлтийн чиглэлээр явагдаж байгаа нь онцлог юм.   
 
Архив, албан хэрэг хөтлөлтийн тухай хууль шинэчлэгдэж, 2020 оны арванхоёрдугаар сарын 1-нээс  мөрдөгдөж эхэлсэнтэй холбогдуулан хууль тогтоомжийн хэрэгжилтийг нийслэл, дүүргийн хэмжээнд үзэж, үнэлэлт дүгнэлт өгч, цаашид салбар болон орон нутгийн хэмжээнд хэрэгжүүлэх чиглэлээ тодорхойлоход энэ удаагийн үзлэгийн зорилго оршиж байгаа юм. Архивын улсын үзлэг арваннэгдүгээр сарын 9-12-ны өдрүүдэд үргэлжилнэ. 
 
НИЙСЛЭЛИЙН АРХИВЫН ГАЗАР

 


Төрийн архивын улсын үзлэг өнөөдөр эхэллээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.