Допинг илэрсэн дөрвөн бөхийн нэг нь B сорьцоо шинжлүүлэх хүсэлт гаргасныг Монголын үндэсний бөхийн холбооноос мэдээллээ.

Наймдугаар сарын 16, 17-нд зохион байгуулсан 512 бөхийн барилдаанд шөвгөрсөн 16, өөрсдийн саналаар шинжилгээ өгсөн хоёр, нийт 18 бөхийн дөрвөөс нь допинг илэрсэн болохыг Монголын үндэсний бөхийн холбооноос мэдээлж байв. Тус холбоо МҮДЭ Байгууллагаас ирүүлсэн хариуг допингийн төрлийн бодис илэрсэн дөрвөн бөхөд мэдэгдсэн бөгөөд холбогдох дүрмийн дагуу дээрх нэр бүхий бөхчүүд 10 хоногийн дотор B сорьцоо шинжлүүлэх эсэхээ  мэдэгдэх журамтай.

Тэгвэл арваннэгдүгээр сарын 8-нд арван хоногийн хугацаа дуусаж нэг бөх B сорьцоо шинжлүүлэх хүсэлт гаргасан тул дүрэм ёсоор уг шинжилгээний хариуг БНСУ-ын итгэмжлэгдсэн лабораториос ирүүлсний дараа мэдээлэх юм байна.