Увс аймгаас сонгогдсон УИХ-ын гишүүдийн дэмжлэгтэйгээр аймгийн эрүүл мэндийн байгууллагуудад иж бүрэн компьютер гардууллаа. Тодруулбал, Нэгдсэн эмнэлэгт 30 ширхэг иж бүрэн компьютер, Эрүүл мэндийн газарт 10 ширхэг иж бүрэн компьютер, Зооноз өвчин судлалын төвд хоёр ширхэг иж бүрэн компьютер, мөн сумдын Эрүүл мэндийн төвүүдэд тус бүр нэг ширхэг хүчилтөрөгч өтгөрүүлэгч аппаратын дэмжлэг үзүүлснийг аймгийн ИТХ-ын дарга Ц.Батболд тус байгууллагын удирдлага нарт гардуулан өгсөн байна.

   Эрүүл мэндийн тусламж үйлчилгээг иргэдэд түргэн шуурхай хүргэхэд шаардлагатай компьютер, техник хэрэгслийг шийдвэрлэхэд дэмжлэг үзүүлсэн УИХ-ын гишүүдэд аймгийн эрүүл мэндийн салбарын удирдлага, албан хаагчид энэ үеэр талархал илэрхийлжээ.