Цар тахлын үед цэрэг татлага болж, цэргүүдээс халдвар илэрсэн гэх мэдээлэл бий. Энэ талаар Батлан хамгаалахын сайд Г.Сайханбаяр мэдээлэл өглөө. Тэрбээр “Цар тахлын үед Үндсэн хуулиар хүлээсэн иргэний үүргээ биелүүлж, эх орноо батлан хамгаалах үүрэг гүйцэтгэхээр залуучууд цэргийн албанд татагдсан.

     Цэрэг татлагын комисс, цэргийн эмнэлгийн үзлэгээр эрүүл гэж дүгнэгдсэн цэргүүд явсан. 200 гаруй цэргийн алба хаагчаас ангид очсон хойно нь халдвар илэрсэн. Тэднийг анги ангийнх нь эмнэлэгт тусгаарлаад, цээжний зургийг нь авч, ажиглалт хийж байгаа. Халуурсан, уушги нь өвдсөн цэргүүдийг Цэргийн төв эмнэлэгт хэвтүүлж, тангараг өргөхөөс нь өмнө халах буюу гэр рүү нь буцаах арга хэмжээ авахаар ажиллаж байна. Харин уушги нь сэвтсэн, биед нь өөрчлөлт гарсан, эмчилгээ шаардлагатай залуусыг цэргийн албанд татаагүй” гэлээ.