Аж ахуйн нэгж, байгууллагын энэ оны улсын тооллого эхэлж буй талаар Үндэсний статистикийн хорооноос өнөөдөр мэдээллээ. Энд энэ оны 10 дугаар сарын 1-нээс өмнө Монгол Улсын нутаг дэвсгэрт үүсэн байгуулсан өмчийн бүх хэлбэрийн аж ахуйн нэгж, байгууллага, хувиараа хөдөлмөр эрхлэгчид хамрагдах юм. Монгол Улсын Статистикийн тухай хуульд заасны дагуу Үндэсний статистикийн хороо таван жил тутамд Аж ахуйн нэгжүүдийг тоолдог. Энэ удаагийн ээлжит тооллогыг нийгэм, эдийн засгийн өнөөгийн байдалтай уялдуулан 100 хувь цахим хэлбэрээр “toollogo.1212.mn” сайтаар өнөөдрөөс эхлэн энэ оны 12 дугаар сарын 1 хүртэл зохион байгуулж буйг Үндэсний статистикийн хорооны дарга Д.Лхамсүрэн тодотголоо.

 

Цахимаар хамрагдах боломжгүй хувиараа хөдөлмөрч эрхлэгч, иргэд 75331212 утсаар холбогдон хамрагдах боломжтой аж. Улсын бүртгэлийн ерөнхий газрын Хуулийн этгээдийн бүртгэлийн газарт бүртгэлгүй улс төрийн нам, сууц өмчлөгчдийн холбоо, олон улсын байгууллагыг хамруулахыг мөн онцолсон юм.