Засгийн газрыг огцрохыг шаардаж, төв талбайд суулт зарлаад байсан Монгол Улсын гавьяат жүжигчин С.Жавхлангийн  бие нь муудсаны улмаас яаралтай тусламжаар эмнэлэгт хүргэгджээ. Түүнтэй ойр байсан эх сурвалжуудын мэдээлсэнээр түүний нуруу нь татаж, хамраас нь цус гарсан байна. Тэрбээр энэ талаар өөрийн цахим хуудастаа "Бидний тэмцэл дуусаагүй, удахгүй бүх хүчээ нэгтгэж заавал гарч ирнэ" гэжээ. 

УИХ-ын гишүүн асан, МУГЖ С.Жавхлан "Засгийн газар огцор, УИХ тар" гэх шаардлага тавьж, төв талбайд суулт хийгээд 10 гаруй хонож байгаа. Энэ хугацаанд олон хүнтэй уулзаж, даарч хөрсний улмаас ядарч байгаагаа өөрийн шууд дамжуулалтаараа хэлж байсан билээ.