Монголын Үндэсний бөхийн холбооноос дөрвөн бөхөөс допин илэрсэн тухай мэдээлсэн. Энэ үеэр тус холбооны тэргүүн Ц.Магалжав “А сорьцтой гарсан бөхчүүд Б сорьцоо өгөхгүй бол допин хэрэглэсэн гэдгээ хүлээн зөвшөөрч байна гэсэн үг. Харин Б сорьц өгч, шинжлүүлэх хүсэлт гаргавал допингийн эсрэг байгууллага БНСУ-ын шинжилгээний байгууллагад өгнө. Допин илэрсэн бөхчүүдийн цол хурааж, дөрвөн жилийн хугацаанд мөнгөн дүнгээр торгоно. Үндэсний их баяр наадмын хуульдаа орон нутагт цол олгох барилдааныг өөр хугацаанд зохиож байгаа. Цар тахлын нөхцөл байдлаас шалтгаалж 50 хувийн дүүргэлттэй барилдаанд цол олгох эсэх шийдвэр гараагүй. УОК ямар дүрэм журам гаргахыг мэдэхгүй” гэлээ.