Элэгний В вирусийн эсрэг сайн дурын дархлаажуулалтыг аймаг, нийслэлийн есөн дүүргийн эрүүл мэндийн төвийн дархлаажуулалтын кабинет болон Халдварт өвчин судлалын үндэсний төвийн амбулаторийн 114 тоот өрөөнд хийж байгаа тухай тус эмнэлгээс мэдээлэв.

Нийт гурван удаагийн тун хийгдэх бөгөөд нэг удаагийн тун нь 5000 төгрөг байна. В вирусгүй гэсэн шинжилгээний хариугаа авчирч вакцинаа хийлгэнэ. Нийт гурван тун хийлгэсний дараа 10-15 жилийн дархлаа тогтох юм байна.

Анхан шатны эрүүл мэндийн байгууллагууд даатгалын сангийн санхүүжилтээр элэгний В, С вирус илрүүлэх шинжилгээг иргэдэд үнэгүй хийх аж.