Улсын хэмжээнд сүүлийн 24 цагийн хугацаанд 1625 иргэн коронавирусийн халдвараар өвчилсөн нь PCR  шинжилгээгээр батлагджээ. Ингэснээр нийт бүртгэгдсэн тохиолдлын тоо 355.129 болж нэмэгдлээ.Шинээр илэрсэн тохиолдлуудын 14 нь гаднаас зөөвөрлөгдсөн бол үлдсэн 1611 нь дотоодын халдвар байна. Дотоодод бүртгэгдсэн халдварын задалж танилцуулбал, Улаанбаатар хотод 931, Орон нутагт 680 хүнээс халдвар илэрсэн байна. Мөн хугацаанд коронавируст халдварын улмаас 41-80 гаруй насны 10 хүн нас барсан байна. Өнөөдрийн байдлаар коронавирусийн халдварын улмаас нийтдээ 1626 хүн эндээд байна.

    Одоогоор коронавируст халдварын улмаас улсын хэмжээнд 17.619 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 55.509 хүн өрхийн эмчийн хяналт дор гэрээр эмчлүүлж байгаа. Эмнэлэгт хэвтэн эмчлүүлж буй иргэдийн биеийн байдлыг үнэлбэл,

Хөнгөн-8372

Хүндэвтэр- 6755

Хүнд-2129

Маш хүнд-363 хүн байна.