Дархан-Уул аймгийн Дархан сумын Малчин багийн “Хөтөл” хорооллын автозамын зорчих хэсэгт хоёр автомашин мөргөлдөж, нэг хүн автомашины төмөр хийцэд хавчуулагдан нас барсан тухай дуудлага тус аймгийн Онцгой байдлын газарт иржээ.

Дуудлагын дагуу  Гал түймэр унтраах, аврах 22 дугаар ангийн алба хаагчид тухайн газар очиход иргэн З-гийн жолоодож явсан “Исузу” загварын ачааны автомашин, иргэн М-ийн жолоодож явсан “Соната-7” загварын суудлын автомашинтай мөргөлдөж, 46 настай эрэгтэй суудлын автомашины бүхээгийн хэсэгт хавчуулагдан нас барсан байсныг гаргаж, аймгийн Цагдаагийн газрын бүрэлдэхүүнд шилжүүлэн өгсөн байна.