Дархан-Уул аймгийн Дархан сумын “Хөтөл”  хорооллын автозамын зорчих хэсэгт хоёр автомашин мөргөлдөж, нэг нь автомашины төмөр хийцэд хавчуулагдан нас барсан тухай дуудлагыг шөнө 01:23 цагт Онцгой байдлын газар хүлээн авсан байна.  Тус аймгийн Онцгой байдлын газрын Гал түймэр унтраах, аврах 22 дугаар ангийн алба хаагчид таван км зам туулан 01:40 очиход иргэн З-гийн жолоодож явсан “Исузу” загварын ачааны автомашин, иргэн М-ийн жолоодож явсан “Соната-7” загварын суудлын автомашинтай мөргөлдөж, тус аймгийн Дархан сумын харьяат иргэн М, 46 настай, эрэгтэй суудлын автомашины бүхээгийн хэсэгт хавчуулагдан, нас барсан байсныг гаргаж, аймгийн Цагдаагийн газрын бүрэлдэхүүнд шилжүүлэн өгсөн байна.