Улаанбаатар хотод өнөөдөр явуулын 32 баг, суурин 37 цэгт 78 багийн 298 эмч, ажилтан ажиллаж, 4378 хүнийг дархлаажуулахаар төлөвлөжээ.

Дархлаажуулалтын цэгүүд 09:00-17:00 цаг хүртэл ажиллана.

Нийслэлийн хэмжээнд өчигдөр вакцины I тунд 57, II тунд 132, нэмэлт сэргээх тунд 2050, нийт 2239 иргэнийг дархлаажууллаа. Вакцинжуулалт эхэлснээс хойш нийслэлийн нийт хүн амын I тунгийн хамралт 74.6 хувь, II тунгийн хамралт 71 хувь, нэмэлт тунгийн хамрагдалт 19.8 хувь байна.

Мөн зорилтот бүлгийн буюу 2,946 жирэмсэн эх, 12-15 насны 67,485, 16-17 насны 26,519 хүүхэд тус тус дархлаажуулалтын бүрэн тунд хамрагдлаа.