Шүүхээс No Double Standard хөдөлгөөний зохицуулагч Д.Монголхүү, Э.Одбаяр нарыг 30 хоног цагдан хорих шийдвэр гаргаж, ШШГЕГ-ын харьяа 461 ангид хорьж байгаа. Тэгвэл Э.Одбаяр нь 461 дүгээр ангид хоригдсон цагаасаа эхлэн өлсгөлөн зарласан. Тэгвэл үүнтэй холбоотой хүний эрхийн зөрчлийн асуудлаар Ардчилсан намаас мэдээлэл хийв.

Энэ үеэр АН-ын ХЭГ-ын дарга А.Цэрэнбат “10 гаруй хүнийг яллагдагчаар татаж, хоёрыг нь хорьж, 20 залууг гэрчээр дуудан байцааж байна. Тэгээд мөрдөн байцаалтын нууцыг яривал дахин баривчилна гэж сүрдүүлж, хүний эрхэд халдаж байна.

          Э.Одбаяр 23 дахь өдрөө өлсгөлөн зарлаж байна. 10 гаруй кг турж, биеийн байдал нь маш хүнд, амь нас нь эрсдэлд орсон гэх мэдээлэл бидэнд ирсэн” гэлээ.