Дархан-Уул аймгийн Шарынгол сумын Буянтын нарийн жалга гэдэг газар 33 настай, сэтгэцийн өөрчлөлттэй эмэгтэй гэрээсээ гараад сураггүй болжээ. Энэ тухай дуудлага аравдугаар сарын 26-ны 05:00 цагт тус сум дахь Цагдаагийн хэлтэст ирсэн байна.

Дуудлагын дагуу сум дахь, Гал түймэр унтраах, аврах 55 дугаар анги, Цагдаагийн хэлтсийн алба хаагчид, сумын ЗДТГ-ын ажилтнууд эрэн хайх ажиллагааг 16:30 цагт эхлүүлсэн боловч үр дүнд хүрээгүй тул 20:40 цагт түр зогсоожээ. Улмаар аравдугаар сарын 27-ны 08:30 цагт эрэн хайх ажиллагааг эхлүүлээд байгаа аж.