Нийслэлийн Онцгой байдлын газраас мэдээлэл өглөө. Энэ үеэр тус газрын Гамшгаас урьдчилан сэргийлэх хэлтсийн дарга, хурандаа Г.Нэргүй “2016-2021 онд 12378 удаагийн объектын гал түймрийн дуудлага ирж, 102 том хүн, 32 хүүхэд гал түймэрт өртөж амиа алдсан байна.

Мөн 100 том хүн 28 хүүхэд гал түймрийн улмаас эрүүл мэндээрээ хохирчээ. Энэ хугацаанд нийслэлийн Онцгой байдлын газар 4894 хүний амийг аварч, байгууллага, иргэний 20.6 тэрбум төгрөгийн хохирлоос урьдчилан сэргийлсэн байна” гэв.

Түүнчлэн Онцгой байдлын газраас ахуйн гал түймрийн аюулаас урьдчилан сэргийлэх ажлыг эрчимжүүлж, "Мартаж болохгүй" аяныг өнөөдрөөс эхлүүлж байгааг онцлов.