Хөвсгөл аймаг, Алаг-Эрдэнэ сумын  Хөшөө багт Т, 17настай эмэгтэй энэ сарын 23-нд  гэрийнхэнтэйгээ маргалдаж, гэрээсээ гараад сураггүй болсон тухай бид өмнө нь мэдээлсэн. Тус аймгийн Онцгой байдлын газрын Хатгал тосгон дахь Гал түймэр унтраах, аврах 69 дүгээр  анги, Үндэсний аврах бригад, Ар талын 115 дугаар анги, Цагдаагийн тасгийн алба хаагчид, Захирагчийн ажлын албаны ажилтнууд, Ерөнхий боловсролын сургуулийн ажилтнууд иргэн Т, 17 настай, эмэгтэйг  эрэн хайх ажиллагааг Хатгал тосгоны төвөөс баруун хойд зүгт Цахир толгой гэх газар хүртэл гурван км-т, Дамжлага баазын гүүр гэх газраас Эгийн голын гүүр гэх газар хүртэл долоон км-т, гэрээс нь  баруун зүгт Хөшөөт толгой гэх газар хүртэл таван км-т явганаар зохион байгуулсан боловч үр дүнд хүрээгүй тул өчигдөр 00:10 цагт эрлийг зогсоосон байна.