Өмнөд Солонгосын Эрүүл мэнд, халамжийн яам "LG Electronics" компанитай хамтран зохион байгуулсан "Global IT Challenge 2021" тэмцээн өчигдөр өдөрлөлөө. Тус тэмцээнд 14 орны залуус оролцсон бөгөөд "Creative" буюу робот машины төрөлд Монголын тэргэнцэртэй иргэдийн үндэсний холбооны гишүүн Ш.Самдан ахлагчтай баг түрүүлсэн байна.

Мөн Сонсголын бэрхшээлтэй иргэдийн соёлын төв ТББ-ын гүйцэтгэх захирал Ж.Дуламсүрэн тус тэмцээнд залуусыг идэвхтэй оролцуулснаар “Шилдэг хувь нэмрийн шагнал” хүртсэн гэж Монголын тэргэнцэртэй иргэдийн үндэсний холбооноос мэдээллээ.