Газрын харилцааны цахим системийн талаар Газрын харилцаа, геодези, зураг зүйн газрын орлогч дарга М.Буяндэлгэр мэдээлэл хийлээ.

Тэрбээр "Энэ оны аравдугаар сарын 1-нээс эхлэн Монгол Улсын иргэд, аж ахуйн нэгж байгууллага газрын гэрээ, гэрчилгээ, кадастрын зургаа газрын харилцааны цахим системээс үнэ төлбөргүй хэвлэж авдаг болсон. Энэ талаарх ажлын хэсгийн мэдээллийг өнөөдрийн Засгийн газрын хуралдаанд танилцууллаа.

Ажлын хэсгийн хүрээнд газрын харилцааны салбарт байгаа шаардлагагүй гарын үсгийг цөөлөх, хий дарааллыг бууруулах, шат дамжлагыг цөөлөх чиглэлийн хүрээнд дээрх систем боловсруулагдсан. Мөн энэ сарын 1-нээс Газрын харилцаа цахим шилжилт сарын аяныг улсын хэмжээнд зохион байгуулан ажиллаж байна. Өнөөдрийн байдлаар 2983 иргэн, ААН байгууллага газрын гэрчилгээг цахимаар хэвлэж авснаар 58.5 сая төгрөгийн хэмнэлт гаргасан” гэв.