АТГ-ын гүйцэтгэх ажиллагааны хүрээнд “Дулааны цахилгаан станц-3” ТӨХК-ийн захирал Чулууны Чинбатыг долдугаар сарын 30-нд ажлын болон албан өрөөнд нь нэгжлэг хийж, 48 цаг саатуулсан билээ. АТГ-ын Мөрдөн шалгах хэлтсийнхний  шалгалтын явцад тендерт оролцсон аж ахуйн нэгжүүдийг зориудаар хасаж, өөрийн танил тал, хамаарал бүхий этгээд буюу аж ахуйн нэгжид давуу байдал олгосон, тендерийг өрсөлдөгчгүй олгож, шууд гэрээ байгуулсан байж болзошгүй зэрэг зөрчил илэрсэн байдаг. Түүний хэргийг АТГ-ынхан шалгаж дуусаад яллах дүгнэлт үйлдүүлэх саналаа дахин НПГ-т хүргүүлсэн байна. Ч.Чинбатыг есдүгээр сард шүүхэд шилжүүлэхээр байсан ч НПГ-аас зарим зүйлийг нэмж тодруулах шаардлагатай гэж дүгнэн АТГ-т буцаасан байдаг.