Цар тахлын улмаас 2-5 насныхан цэцэрлэгт бүрэн хамрагдаж чадахгүй байгаа. Үүнтэй холбоотойгоор БШУ-ын сайд Л.Энх-Амгалангаас 2-3 настай хүүхдүүдийг цэцэрлэгт хамруулах боломжтой эсэх талаар тодрууллаа. Тэрбээр “2-5 хүртэлх насныхан цэцэрлэгт сурах боломжтой. Энэ жил цар тахлын улмаас 2-3 насны хүүхдүүдийг цэцэрлэгт хамруулаагүй. Хичээл эхэлснээс хойш халдвар авсан хүний 20 хувь нь хүүхэд байсан бол 18 болж буурсан байна. Мөн 0-11 насны хүүхдүүдийг томууны вакцинд хамруулж байгаа. 2-3 насныхны 90 орчим хувь нь томууны вакциндаа хамрагдсан учир эрсдэлийн үнэлгээ хийж судалгаагаар “Эрсдэлгүй” гэж гарвал ирэх сарын 1-ээс бүх насныхныг цэцэрлэгт авах ажил орон даяар үргэлжилнэ” гэлээ.