Монгол Улсын Соёлын гавьяат зүтгэлтэн Ч.Галсан Сэлхийн аманд байрлах Гүнжийн Булагт сая дахь мод тарилаа. Түүний аялал жуулчлал оруулсан хувь нэмрийг үнэлж Аялал жуулчлалын холбооноос шагнал гардуулж байна.

     Тэрбээр 2009 онд номоо худалдаж, үрээр ургуулсан нэг сая мод худалдан авч, бусдад хандивлаж, эх орондоо ургуулна хэмээснээс хойш 12 жил өнгөрчээ. Энэ хугацаанд түүнд олон хүн, байгууллагууд тусалж дэмжсээр нэг сая дахь модоо тарьж дуусгалаа. 

      Зохиолч Ч.Галсан "Нэг хүн сэдэж эхлүүлээд нэг сая мод тарьж болж байгаа юм чинь 1000 хүн байхад л бид нэг тэрбум мод тарина" гэв. Тэрбээр нэг сая мод тарих мөрөөдлөө биелүүлэхээс гадна хуурай газарт хур дуудах төхөөрөмж бүтээжээ.