Мөн коронавирусийн халдвар авсан иргэд аймгийн төв рүү зорчих, Ховд аймаг дахь Бүсийн оношилгоо, эмчилгээний төвд ачаалал үүсгэдэг нэг урсгал харьцангуй багасах, тухайн эмнэлгийн даатгалаас авах санхүүжилт нэмэгдэх зэрэг давуу тал бий болжээ. Удахгүй тус сумын өрхийн Эрүүл мэндийн төвийг унаатай болгох асуудлыг шийдвэрлэж, гэрээр эмчлүүлж буй иргэдэд эрүүл мэндийн тусламж, үйлчилгээг цаг алдалгүй, шуурхай үзүүлэх боломж бүрдүүлнэ гэж Ховд аймгийн ЗДТГ-аас мэдээллээ. Булган сум бол Ховд аймгийн хамгийн их хүн амтай сумдын нэг юм. Улаанбаатар хотоос 1855 км, аймгийн төвөөс 385 км алслагдсан. Баруун талаараа БНХАУ-тай хиллэдэг билээ.