• Өнөөдөр 2024-03-29

“Эрдэнэт үйлдвэр”: 486 сая төгрөгөөр автомашин худалдан авах тендерээ Засгийн газрын шийдвэрийн дагуу цуцалсан

2021-10-28,   367

“Эрдэнэт үйлдвэр” ТӨҮГ-аас энэ сарын 18-нд 486 сая төгрөгөөр автомашин худалдан авах тенден зарласан. Тэгвэл уг тендерийг “Эрдэнэт үйлдвэр”-ээс цуцлах шийдвэр гарчээ.

Бид автомашин худалдан авах тендерээ цуцалсан болон энэ жил зарлаад байгаа тендерий талаар “Эрдэнэт үйлдвэр” ТӨҮГ-ын Хэвлэл мэдээлэл олон нийттэй харилцах албатай холбогдож тодруулахад

“Эрдэнэт үйлдвэр” ТӨҮГ-аас 2021 онд нийт 1189 худалдан авах ажиллагаа зохион байгуулахаар төлөвлөж, Үйлдвэрийн газрын худалдан авах ажиллагааны төлөвлөгөөгөөр тендер зарласан.

          Аравдугаар сарын 22-ны байдлаар “Эрдэнэт үйлдвэр” ТӨҮГ нийт 1411 удаагийн цахим тенден шалгаруулалтыг зохион байгуулсан. Зохион байгуулсан 1411 тендерт амжилтгүй болсон, дахин зарласан тендерийн тоо багтаж байгаа юм.

          “Эрдэнэт үйлдвэр”-ээс худалдан авах ажиллагаагаа “нэг цонхны бодлого”-д шилжүүлж, 100 хувь цахим хэлбэрээр зохион байгуулсны үр дүнд 2019-2020 онд нийт 154 тэрбум төгрөгийн хэмнэлт хийсэн дүн гарсан.

          Харин аравдугаар сарын 18-нд зарласан 486 сая төгрөгөөр автомашин худалдан авах тендерийг Засгийн газрын шийдвэрийн дагуу цуцалсан. Засгийн газрын 2021 оны хоёрдугаар сарын 17-ны өдрийн хуралдаанаас гарсан “Цар тахлын эсрэг ажиллаж байгаа байгууллагаас бусад улсын болон орон нутгийн өмчит, өмчийн оролцоотой байгууллага, аж ахуйн нэгжийг он дуустал хэмнэх горимд шилжүүлэх” шийдвэрийн дагуу цуцлаад байна.

          Уг тендерийн хүрээнд 486 сая төгрөгөөр “Toyota Land Cruiser 200VX.R Petrol High” аль эсвэл түүнтэй дүйцэх гурван ширхэг тээврийн хэрэгсэл худалдан авах байсан. Дээрх худалдан авах ажиллагааны тендерийг 2020 оны арванхоёрдугаар сард ТӨБЗГ-аар батлуулсан төлөвлөгөөний дагуу зарласан юм” гэлээ.

 


“Эрдэнэт үйлдвэр”: 486 сая төгрөгөөр автомашин худалдан авах тендерээ Засгийн газрын шийдвэрийн дагуу цуцалсан
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188